Frå Tørvis Hotell i Marifjøra ved Lustrafjorden 0 moh til Molden 1116 moh. Løypa er omlag 7 km lang med 1116 m stigning. Premiereløp, laurdag 19. juni 2010. 

Sjå bilder frå løpet på http://picasaweb.google.com/Moldenopp

PRESSEMELDING:

Den fyrste utgåva av MOLDEN OPP vart ein knallsuksess med heile 750 deltakarar. 118 deltok i konkurranseklassa og 632 i trimklassa. 

"Motbakkesuksess i Luster" skriv NRK Sogn og Fjordane på www.nrk.no/sfj . Der finn du stor bildereportasje ! Onsdag 23. juni kjem det stor bildereportasje "TOPP DEBUT FOR MOLDEN OPP" på www.kondis.no

Sjå også www.sognavis.no og stor reportasje i Sogn Avis måndag. 21. juni. Sjå linken Resultat for klassevis resultatliste.

3 raskaste kvinner:

1. May Britt Buer, Gular, 59.05,                                                   

2. Merete Helgheim , Gloppen FIK, 59.58,

3. Emelie Forsberg, Sverige ( Harnøsund OK) 1.04.05

3 raskaste menn:

1. Øyvind Heiberg Sundby, Tjalve, 50.23

2. Asbjørn Berland, Samnanger, 53.02

3. Rune Opem, IL Dalebrand, 53.50

Me fekk langt fleire deltakarar enn me hadde drøymt om og det vart for lite medaljar. Av praktiske grunnar tok løpsleiinga den avgjerda at alle i trimklassa fekk medaljar på toppen, medan alle i konkurranseklassa vil få medaljane ettersende straks leverandøren får produsert nye medaljar.  

Alle som deltok i Molden Opp 19. juni får rabatt på startkontingenten i det andre løpet i Luster Dobbel Opptur ,som er Buff Fanaråken Opp 7. august . Tilbodet forutset påmelding med innbetaling før 20. juli som er påmeldingsfrist for løpet. Dei skal kun betale den spesialprisen som var gjeldande fram til 17. mai. Sjå www.fanaraaken.com under påmelding.

Bakgrunn for løpet

Motbakke-fjelløp er den kondisjonsidretten som veks mest i Noreg.
Ingen land i verda kan vise til den store veksten som i Noreg ! I Noreg er idretten vorte ein masseidrett for alle der det viktigaste er å kome til topps. For 5 år sidan var det 5 motbakkeløp i Noreg og i 2009 blei det arrangert om lag 110 løp med over 30.000 deltakarar. No skal ”heile” Noreg gå og løpe oppover til topps på praktfulle fjelltoppar. Dette er meir en sport/ idrett ! Det er multidimensjonale opplevingar ( som går rett inn i hjarterota på det norske folk ) med utsyn, vidsyn og klarsyn på meir enn den praktfulle naturen!

Stadig fleire arrangørar, kommunar, og verksemder ser no at motbakkeløp opp på fjelltoppar er den flottaste PR –og marknadsføring av heile regionen rundt fjelltoppen.
På fotoet ovanfor ser me innover frå Molden mot Fanaråken der motbakkeløpet Buff Fanaråken Opp med omlag 550 deltakarar har fått posisjon som fyrtårn, førebilete og inspirasjonskjelde for ei ny nasjonal folkerørsle på opptur Noreg rundt som vi ikkje har sett makan til tidlegare.
Buff Fanaråken Opp går i år 7. august og det er stort behov for eit nytt løp før sommarferien i juni månad. Dessutan treng Luster Kommune og Indre Sogn eit ekte frå-fjord-til fjelløp som startar i fjøresteinane, og har potensiale til å bli ein stor folkefest.

Den praktfulle løypa frå Tørvis Hotell i Marifjøra til fjelltoppen Molden har eit stort deltakarpotensiale. Motbakkeløp handlar ikkje minst om å kome til topps for å nyte utsynet,og vidsynet og det er ikkje mange fjelltoppar med så flott utsyn og vidsyn som Molden 1116 moh. Dessutan er Molden også ein av dei mest tilgjengelege fjelltoppane for folk flest i Indre Sogn og eit av dei mest populære turmåla i Luster Kommune.